子健講馬】告東尼全日十駒 唯獨一隻有異動

02754566

原以強陣應戰的蘇保羅，有「威利熱流」及「曾幾何時」退出，聲勢減弱，連帶近期手風順的潘頓，亦少了「曾幾何時」一匹牌面馬。
第九場三班草地1600米：由六月頭開始一直提到，記得吼實告東尼賽前的拍跳馬，結果贏完一隻又一隻。今場「加州再豫」一來好開，二來今次配搭、配備都變埋，告東尼全日出十隻馬，唯獨安排此駒最後試跑拍跳，操法已有異動，更觸動我的是戴埋眼罩試，舉動絕不常見，改用莫雷拉，明知會熱都搵佢跑，信心更強。
揀Ｑ腳範圍幾闊，「金剛仔」、「琪麟穎」、「領驫」及「凝聚力」，甚至「曦世之寶」也有權爭。「英明神駒」脾氣、韁口差，有排搞。「紅駿」非經常跑得好，較難捉摸。「雲呢拿」繼續跑草地等下季。「智者」唔夠銳。「奇真」四、五月兩度停課。「車神」唔叻上名率低。「財政大臣」未得。「尊兄」下季四班才吼。