公仔箱論壇 - Powered by Discuz! Board

標題: [分享] 曼聯漫畫:「蘇B」7連勝就快坐正 [打印本頁]

作者: zzleezz 時間: 2019-1-20 09:39 AM 標題: 曼聯漫畫:「蘇B」7連勝就快坐正

曼聯周六晚主場以2比1擊敗白禮頓，令看守領隊「蘇B」蘇斯克查領軍後豪取7連勝，旺氣逼人，坐正機會又提升。

曼聯喺當旺教頭蘇斯克查帶領下已經連贏6場，包括上仗險勝熱刺，士氣高昂下繼續取勝，今仗贏波過程順利，27分鐘先有保羅普巴操刀12碼建功，亦係普巴2019年首個入球。

第150次代表紅魔出賽嘅拉舒福特，表現愈見成熟，上仗一箭定江山贏熱刺後愈踢愈有信心，今仗42分鐘於禁區內窄角度轟入靚波，上半場領先2比0。

下半場72分鐘白禮頓憑柏斯高哥斯破蛋追成1比2，但之後曼聯繼續控制戰局，喺主場以2比1贏白禮頓，自「蘇B」領軍後連贏7場，旺到冇朋友。

歡迎光臨公仔箱論壇 (http://tvboxnow.com/)