[時事討論] 兩隧加價貼西隧損公濟私餿主意

5 m$ W, ?( I2 P4 K( F千呼萬喚之下，講咗N年嘅「三隧分流」方案終於有啲眉目，林鄭喺《施政報告》提出補貼西隧換取減價，再大幅調高紅隧及東隧收費，冀拉近三隧收費水平紓緩塞車問題喎。方案加重市民負擔唔在講，要公眾補貼私人企業先至最惡頂！
三條過海隧道車流量「貧富懸殊」嘅問題困擾香港多年，原因一字咁淺：錢作怪。以私家車為例，西隧收七十蚊，東隧收二十五蚊，紅隧收二十蚊，紅隧逼爆有乜出奇吖。為咗解決呢個老大難問題，港府曾數度斥資研究分流方案，仲由「三隧分流」講到「六隧分流」，殊不知議而不決嘅老毛病不改，最終都係不了了之。
& }! A, t: m' e& a% b" K, g家吓林鄭擺出有為姿態，亦都喺錢字上面落工夫，無奈搞錯方向落錯藥，佢唔係要求西隧大幅減價，與東隧及紅隧拉近收費，而係建議紅隧及東隧收費劃一增至四十蚊，西隧則由七十蚊下調至五十蚊。即係話，政府擁有嘅紅隧同東隧加價，目的係為咗補貼私人企業嘅西隧，補貼上限更高達十八億元，仲有無離譜啲吖。雖然港府同時提出豁免專營巴士使用政府隧道及道路嘅收費，紓緩加價壓力，可惜呢個不過係氹市民落疊嘅把戲咋。
' Z9 M: O, {9 t& n- R; f% G為咗支持三隧分流，市民唔介意付出代價，但港府使唔使飛擒大咬，將紅隧收費增加一倍咁多吖。有數得計，紅隧一程收費倍增至四十蚊，來回就要八十蚊，西隧減價後亦要一舊水，貴成咁，邊個頂得順吖。更何況牽一髮動全身，隧道加價隨時引起連鎖反應，加風四起，林鄭慷納稅人之慨補貼西隧，最怕未見其利先見其害咋。
最可惡係，林鄭講明「一減兩加」係綑綁式方案，立法會唔通過就拉倒，叫市民塞車塞到二○二三年西隧專營權屆滿為止喎，擺明霸王硬上弓啫。睇嚟林鄭唔止「官到無求膽自大」，直情「官到無恥膽生毛」，難怪民間罵聲連連，反對派固然鬧爆，保皇黨為選票着想一樣唔賣帳喇。可以斷言，呢個方案提交立法會，如果唔作修訂，冇可能得到支持，隨時凍過水都似。
講到尾，歷屆政府胡混度日，道路基建嘅增長遠遠追唔上私家車增長，先至係隧道塞爆嘅元兇，更打擊香港競爭力。港府無力遏制私家車增長，又無法確保大型基建唔延誤超支，杮子挑軟嘅捏，惟有打兩隧加價嘅餿主意，變相懲罰車主囉。! `0 J6 ?0 U; J* W& z
冇計嘞，港產廢官冇嘢叻，最叻磨刀霍霍向市民，乜嘢用者自付、寓禁於徵，市民聽都聽到厭，至於問題係咪得到解決，乜關佢哋事嘅咩？公仔箱論壇& r( Q! y9 C9 v" N

6 M7 r/ n+ T9 B; O* | TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。5 F" u& o! y8 [