[時事討論] 擇言: 今日係港人英語水平最黑暗嘅一日

本帖最後由 felicity2010 於 2014-11-14 09:23 AM 編輯

擇言: 今日係港人英語水平最黑暗嘅一日

tvboxnow.com" E/ v% Z) {3 U/ L' u2 u5 k2 H

香港傳媒對「排行榜」情有獨鍾，今次EF公佈「全球英語排名」，各大傳媒亦有爭相報導，據稱香港嘅英語排名跌咗兩位，跌到同中國、日本咁上下水平，喺中級應用者嘅孻尾。似乎今日又係港人英語水平最黑暗嘅一日，大家已經用呢個結果大造文章，繼續好似春秋二祭噉哀悼香港粵英雙語傳統已死。我想同大家睇下香港點解表現得咁差，不過我唔直接答你，我用例子答你。

【例子】; S9 c+ B9 y4 P7 O! _7 B& k

例一
H市係一個英國殖民地，市內1成人口係英裔，9成人口係土著。本身一直得英裔人會返學，土著就喺自己嘅學堂度讀書。由於市內一切行政都係用英語進行，政府為咗令土著可以參加政府事務，喺10年之前要求土著入面，每個村長送一個小朋友去學校返學，要學英文。對呢堆土著小朋友嚟講英文唔係母語，所以水平低過英裔學生。10年之後嘅今日，多咗土著識講英文，H市嘅英文水平，係跌咗定係升咗？
tvboxnow.com! }: n) Q/ b5 D& T) x* L
例二公仔箱論壇, N( o5 f! j; X* u! W
同樣係H市，政府發覺入得學校讀書嘅，都係土著入面嘅有錢佬，或者村長嘅仔女，呢個篩選政策對其他村民好唔公平。於是就決定開始全市推行九年免費教育，要所有土著小朋友都讀書。實施之前，一般土著唔識講英文，又過咗10年，而家全市個個都識講幾句，不過英語測試嘅平均分不升反跌。點解呢？# M1 h  y# M; D& p) w
公仔箱論壇( t  c1 z. H1 @8 C$ F7 {
例三
某測驗機構喺H市、S市呢兩個地方舉辦測驗。H市一向有英語教學傳統，有英語科嘅公開試，大家大概都知道自己英語水平。因為非公開嘅評估冇乜公信力，所以呢類測驗都得好少人參加。而S市係一個新興市場，學校入面好遅先至開始教英語，由於冇足夠嘅公開試去評核，所以大家好熱衷參加一堆非官方嘅考試。睇返測試嘅表現，到底H市會好啲，定S市會好啲？

例四tvboxnow.com; _5 a" @9 N# ]9 q( F
英國某城市L市，每年都接受大量嚟自C國嘅新移民。呢啲新移民好多都報咗名學基礎英語，同時又會參加某機構嘅英語測驗。L市雖然8成人口都以英語為母語，但係測驗嘅結果顯示L市嘅分數極低，甚至低過C國本身。究竟L市嘅英語水平出咗咩問題呢？
% `( Y. n' {& G  x+ T
例五
又返去H市，經過百幾年嘅英國統治，有一堆搞得有聲有色嘅「傳統名校」，令到土著喺離開學校嗰陣英文嘞嘞聲，不過有一班學生疏於學習，英文水平極低。於是校長下令英文講到甩甩咳咳嘅學生，要測下自己啲英文。過咗幾年，要去測驗嘅人越嚟越少，但係測驗嘅平均分冇咩變化。又係點解呢？7 k: x# l. f# b% d! U" I
% H$ J% k+ R6 I5 ]
【即係點？】
公仔箱論壇) \' z+ O7 L0 ^. y) e, c
好，睇咗咁多例子，我相信大家知道問題所在。我可以將每個城市嘅人口分做3份。（A）完全唔識英文嘅人（B）識英文但係唔叻嘅人（C）英文好流暢嘅人。用國家去分，英國、日本、香港嘅分佈大概應該係噉：9 u2 _8 F. d5 n
tvb now,tvbnow,bttvb$ H, g2 k/ {  w9 T4 S9 N( C3 c- s
英　ABCCCCCCCC* I1 R9 r7 h' U% T
日　AAAAABBBBC
港　ABBBBBBCCC
公仔箱論壇' [$ p: H. {( b
數字係約數，不過無論點計，香港都係贏日本幾條街。噉點解啲分數會咁差？公仔箱論壇9 q9 f, X: v  ^+ J: `! |2 B
～因為屬於 C 嘅人，係絕對唔會做啲咩test去測自己啲英文。（冇錢收的話，你會唔會用30分鐘瘋狂做加減數測試吖？）
～屬於 A 嘅人，更加唔會測，因為完全唔識嘅人，或者覺得自己學唔識嘅人，唔會去攞苦嚟辛。
所以任何測試，都只會反映到上面 B 嗰堆人入面，有心學英文嘅人嘅英文水平。
即使假設該機構嘅測試係天上有地下無，準確度係100%，佢嘅分數可以完全判定到一個人嘅英語水平都好，只要屬於A同C嘅人唔參與，呢個測試就冇可能反映一個國家嘅英語水平。
tvboxnow.com: K! ]5 r) R* V" `) }9 v' K
【再講「差」嘅定義】

當我哋話一個城市嘅英文差，到底係講緊下面邊一樣呢？tvboxnow.com! o$ q- @; X8 k! E: p& v

一）好多人唔識英文？
香港係咪好多人唔識英文？的確係，尤其係老一輩，冇接受過小學中學教育嗰班。呢個係英文嘅普及度問題。用呢把尺的話，而家有冇少咗人識英文？我肯定係多咗人識。接受過九年免費教育嘅人，起碼會識得 I go to school by bus。相反50年代識幾隻字已經好巴閉，大家仲要用通勝學英文嘅年代，相差極大。用上面嘅圖，即係話多咗本身喺「A組」嘅人，升咗級去「B組」
$ O  D0 z( k. e6 J4 E8 @* P% k3 E
二）好多人識英文，但係唔叻公仔箱論壇* _) m3 b. E  A; q
呢個係事實。香港人嘅英文水平未及英美，甚至唔及新加坡。但係係咪「差咗」呢？你可以量度，不過而家嘅排名肯定反映唔到。用呢種測試會得出咩結果呢？就係「唔計英文叻嗰啲，香港人英文好廢囉！」tvboxnow.com, D. [7 {" v' H# d# p

三）英文最叻嗰班人（例如大學生），冇以前最叻嗰班人咁叻tvboxnow.com5 T0 R2 I$ k1 h+ I: v1 q2 \
呢個係普及教育嘅必然結果。如果淨係量度最 TOP10%，由精英教育（得最叻人有得讀書）變做普及教育（所有人都有得讀書），假設可以讀大學嘅人數由每年1000人，變做每年30000人，而大家能力不變，平均分一定係下降。即使「C組（英文叻）」嘅人多咗，「A組（唔識英文）」嘅人少咗，但係因為大家睇嘅係「最叻嗰10%」，所以可能會用咗以前「一隻手數得晒」嘅精英，去同今日嘅學生（e.g. 港大法律系畢業生)比較，先至會有呢種錯覺。tvb now,tvbnow,bttvb" f) f0 o  Q4 y% d+ T
不過要記住叻嘅人，其實冇少到，如果你覺得你身邊嘅同事英文差，我估可能係你公司出手太低，請唔起勁人啫。最後我想講，你睇返幾十年前嘅所謂「精英」，「藍血」香港大學嘅英文水平，（e.g. 何俊仁），再比較下中學生講英文 (e.g. 旺角佔領區女學生 Lavina ) 就知道香港人嘅英文水平其實提升咗好多。所以大家唔好再妄自菲薄喇。香港人英文係未夠好，不過點都未衰到咁渣嘅。

最後我希望各位唔好跟車太貼。香港人普遍嘅英文水平只不過係升得唔夠快，絕對唔係降班去到差過中日韓。不斷話香港人嘅英文水平下降，會令班老嘢以為自己好巴閉，請人嗰時可以壓價。同時亦會令到好多人（例如上面「B組」嘅人）放棄學英文，大家越唔夠膽講，就只會越嚟越差，變咗做 self-fulfilling prophecy。  x, F: }( C$ t5 c
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。! K1 G, V4 u# w( R, q$ I  u- R
咁香港嘅英語教育應該何去何從呢？請看下回分解。

附件: 您所在的用戶組無法下載或查看附件

收藏分享評分