[香港] 巴士埋站唔啱位遭辱罵司機：當我哋出氣袋

近日有巴士司機，埋站時見前方尚有一輛巴士在落客，於是未有完全對準站頭，即開門讓乘客先行下車，豈料竟遭乘客怒罵！巴士司機遭乘客指摘的情況屢見不鮮，有司機接受訪問時替該名同事不值，並大爆行內辛酸！

任職巴士車長的阿明(化名)接受《港呢啲》訪問時說，涉事車長在排隊埋站時提早開門，只是予人方便，「如果你真係咁堅持對正站頭，架架車要啱晒位，可能每一程嘅車程，要耐多10分鐘。到時啲乘客又會話，不如你放我落去啦，咁司機好難做。」

阿明又大嘆，自己亦遇過很多無理指責，「有時路面塞車，真係唔關我哋事，但有啲客一上車就罵，『有冇搞錯呀，咁耐先有車！』」他苦嘆當被乘客以髒話辱罵，亦只能「硬食」避免衝突，「我會話香港人真係太多壓力，但我哋唔係出氣袋。」