公仔箱論壇 - Powered by Discuz! Board

標題: [港澳台] 列車壞完又壞港鐵服務失敗 [打印本頁]

作者: serrurier 時間: 2014-2-10 10:21 AM 標題: 列車壞完又壞港鐵服務失敗

本帖最後由 serrurier 於 2014-2-10 10:22 AM 編輯 : D* l6 J% w4 P/ S

列車壞完又壞港鐵服務失敗$ l+ X, K2 g9 E D& T

搭港鐵嘅風險愈來愈大，皆因管理愈來愈壞。你趕時間去見工咩，你可能求職失敗；你趕時間去約會咩，你可能求愛失敗；你趕時間去出貨咩，你可能求財失敗。總而言之，你一搭港鐵就有機會搞到好濕滯，列車跪低阻人前進嘅情況之下，求乜都冇運行啦。運輸交通呢家嘢，最緊要係路路暢通，偏偏港鐵呢一間把鬼公司周不時害到乘客走投無路。

呢嗱嗱嗱，港鐵東鐵線又發瘟嘞，大學站同火炭站之間昨日早上十一點左右出現電力故障，東鐵線列車全面受延誤，服務受阻四粒鐘，經過搶修之後要到下午三時十九分先至陸續回復正常。

當時有乘客表示，列車準備離開月台之際，突然聽到「啪」一聲，列車燈光半暗，停留月台五分鐘之後，全部乘客要落車。另外又有乘客話呀，當時見到列車出現閃光。公仔箱論壇. `! g$ U* U! d- `$ L3 t9 ^7 C
b) u$ g( i$ N2 n6 H/ {
電力故障列車受阻，港鐵梗係要出動接駁巴士疏導乘客啦，理論上呢個動作非常之咁經驗豐富，事關港鐵壞車之多絕對係罄竹難書。哈，偏偏接駁巴士嘅安排依然有問題，冇因為經驗豐富而變得工多藝熟。有乘客批評指示不清晰，要周圍搵先至搵到接駁巴士站。亦有深圳旅客不滿，個多小時仍然未能從羅湖去到九龍塘，又批評大埔墟站嘅廣播不設普通話，部分內地旅客唔知道要離開車廂。就算搵到接駁巴士站都唔好受，因為大批乘客要冒雨上車落車。
+ G' |- a1 l* A( h$ c
今次究竟係港鐵第幾次跪低呢？功夫茶真係唔知囉，淨係知道港鐵淨係識得賺大錢照樣不斷加價，加完價服務水準反而每下愈況，從來冇改善嘅迹象。
tvboxnow.com7 r$ @* p- P/ v4 O# t+ c/ ]$ ~3 {- q, a
對上一次嚴重事故發生於油塘站，砰嘭一聲巨響嚇到乘客以為爆炸，事後港鐵澄清，只係架空電纜跳掣發出聲響啫，唔係爆炸咁話。故障導致將軍澳線全線暫停服務，觀塘線調景嶺至藍田站亦受到影響，擾擾攘攘五小時先至恢復正常。喂，服務受阻五粒鐘呀，乘客唔嬲到頭殼頂出煙就奇啦！

莫講話事發現場交通受阻嘅乘客，就算係旁觀者都會無名火起，事關港鐵真係好過分，票價就一加再加住搶，服務永遠係得過且過。即使政府啟動懲罰機制，港鐵照樣懶懶閒，因為佢哋可以將罰款轉嫁到乘客頭上吖嘛。
9 N6 @+ d' t# @9 j
政府曾經講過要檢討港鐵票價可加可減機制，包括加入計算市民負擔能力嘅因素、港鐵盈利同服務表現。如果票價機制真係要同服務表現掛鈎，港鐵唔單止冇資格加價，簡直要大幅減價！1 @/ M+ Y1 i. k- |- {& n- R

好心作為港鐵大股東嘅政府，好好修理呢一間壞完又壞嘅失敗公司啦！

歡迎光臨公仔箱論壇 (http://tvboxnow.com/)