公仔箱論壇 - Powered by Discuz! Board

標題: [港澳台] 天齒輪鋸政總香港點會有運行 [打印本頁]

作者: serrurier 時間: 2014-9-28 03:31 AM 標題: 天齒輪鋸政總香港點會有運行

天齒輪鋸政總香港點會有運行tvboxnow.com: O. {/ I! B9 ~8 g/ ^

男主角坐喺摩天輪上向女友求婚，係唔少愛情電影嘅浪漫橋段，不過唔知大家有冇發現，其實氹氹轉嘅摩天輪，遠望有啲似電鋸嘅齒輪，邊個唔好彩，分分鐘被「鋸」到成頸血，咁就大吉利是嘞。tvboxnow.com" T* v& x! ^7 p8 @" d4 u

功夫茶講緊嘅咪就係位於中環海濱、將於下個月中試業嘅巨型摩天輪囉。呢個摩天「齒輪」喺特首辦、政府總部同立法會三大權力核心隔籬，由對岸望過去，十足十「齒輪」咁鋸向港府心臟地帶，認真唔講得笑。不可不知，呢個唔係普通齒輪，而係高六十米、有四十二個車廂嘅超級無敵大齒輪，唔怪得政圈廣泛流傳，呢件「大殺傷力武器」一旦正式運作，政府總部同特首辦公室肯定多災多難。堪輿學家亦批算，摩天輪呈不斷滾動嘅圓形，會破壞代表權力同長官嘅乾位，再加上特首辦西北位有工地，更預示容易有血光、災難同爭吵。咁又係呀，家陣香港正值多事之秋，政治爭拗無日無之，連學生亦愈來愈激，搞到衝擊政府總部，再加上呢個「大鋸」咯喎，真係凶多吉少。
; ~' U! y" q7 f' X% z! s
正所謂，唔怕生壞命，最怕改壞名。當初政總「門常開」概念引起唔少爭議，話就話寓意打開大門，廣納民意，但亦令人聯想起無掩雞籠、開門揖盜，結果好嘅唔靈醜嘅靈，政總由施工到啟用，真係甩甩漏漏，笑話百出。

講開又講，「門常開」嘅設計，怪雞程度直頭拍得住北京嘅央視大樓「大褲衩」。設計怪雞不特止，「門常開」仲犯咗風水學上「穿心煞」嘅大忌。大家有眼見，政總啟用以來，港府施政頭頭碰着黑，簡直係寸步難行、動輒得咎，而大小官僚就烏龍百出、醜聞多多。呢，反對派三日一集會，五日一示威，搞到政總好似鬥獸場咁，七國咁亂。當局藉口「維修」加設圍欄，「門常開」變「門常關」，結果一樣被示威者攻陷，唔知好笑定好嬲。

所以話啫，風水呢家嘢，有時真係唔到你唔信。最經典嘅係當年中銀興建新總部大樓，引發一場風水大戰，中銀大廈外形似足三支長劍對正港督府同滙豐總行，冇耐時任港督尤德就喺北京突然病逝，而當年滙豐股價亦一度大跌，據講後來港英為咗解煞，特別喺港督府裏面種柳樹，而滙豐就喺總部頂樓安裝兩門大炮裝飾嚟抗衡。% @2 [7 r4 v: R6 Y1 m

當然啦，禍福無門，惟人自招。玄學嘅嘢只能作為參考，港府想擺脫衰運，始終都要自己反省，做好本分。如果唔係，話之你門常開或門常關，都一樣冇運行嘅咋！

歡迎光臨公仔箱論壇 (http://tvboxnow.com/)