公仔箱論壇 - Powered by Discuz! Board

標題: [港澳台] 政府合署藏蛇竇機電官僚好風流 [打印本頁]

作者: serrurier 時間: 2015-7-5 06:25 AM 標題: 政府合署藏蛇竇機電官僚好風流

政府合署藏蛇竇 機電官僚好風流
5 | a0 }: n1 E0 l6 T3 S) m! L
有人話，港獨好似病毒咁，再唔醫治就會不斷蔓延。冇錯，港獨危害香港，的確需要盡快根治，但有樣嘢同港獨一樣危害性極大，而且亦正到處蔓延，幾乎所有政府部門都受到感染，同樣不可忽視。
tvb now,tvbnow,bttvb+ F7 F( @! ~% F* J! E
功夫茶講緊嘅咪就係集體蛇王嘅風氣囉。本報直擊發現，長沙灣政府合署四樓有個「蛇竇」，設備齊全，應有盡有。該蛇竇本來係大廈嘅風櫃房，但就被人闢為機電工程署人員嘅蛇王天地，間成三、四個私人休憩空間，雪櫃、梳化、大班椅等固然唔少得，連健身器材、氣槍、足球、金魚缸都一應俱全，令人嘆為觀止。你話嘞，呢啲娛樂設施究竟要嚟做乜吖？

知情人士透露，負責大廈機電及屋宇裝備維修嘅機電工程署人員，返工時本應喺位於停車場嘅辦公室候命，但好多人跑到四樓蛇王，睇報紙、瞓覺、健身、踢波，甚至打野戰，直情好似無王管。本報記者喺現場發現，多名機電署人員辦公時間進入蛇竇，直至臨收工至返回停車場嘅辦公室，六點準時收工離開。據講呢個蛇竇係機電署助理督察級人員搞出嚟嘅，問你服未。
tvb now,tvbnow,bttvb& i' u5 t g( F/ p
呢啲場景係咪熟口熟面呢？冇錯嘞，好多政府部門都出現過。上個月之嘛，香港郵政嘅特快專遞收派小隊被踢爆集體蛇王，郵車每日下午三點停泊喺偏僻街道，有人喺車內歎冷氣，有人玩手機，有人瞌眼瞓，有人索性去附近工廈歎茶煲煙。最離譜嘅係，有人日日蛇王，整色整水拖到八點至「收工」，然後呈報超時工作呃補水，一個月嘅超時補水幾乎等於半份糧，簡直當納稅人係羊牯。$ }7 L4 s5 Z6 u# n9 C3 P- y$ U
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。( m2 s; ^3 q; g4 o) @. I
一滴水可以睇穿世界，政府部門同公營機構偷懶成風，醜聞百出，以上例子只係冰山一角咋。好似民航處咁吖，除咗處長不務正業，返工一味掛住享樂，搞到新總部變成蛇王俱樂部，早排又被揭發有主管級人員無視指引，喺空管中心內公然使用手機，嚴重干擾雷達及無線電，唔止蛇王咁簡單，直情將航機安全視為兒戲。

至於年年高居投訴榜首嘅食環署咯喎，集體蛇王更加係家常便飯。灣仔一個垃圾收集站長期處於無王管狀態，食環署外判工人遲到早退，返工玩手機、瞓覺、代簽更簿，五花八門，無奇不有。

事實證明，政府部門偷懶成風，港產官僚胡混度日，得過且過，話就話「我要做好呢份工」，其實「我要做條大懶蛇」至係真嘅。蛇王風氣好似病毒咁不斷蔓延，當局再唔治理，等到病毒深入肌體，咁就嗚呼哀哉嘅喇！

歡迎光臨公仔箱論壇 (http://tvboxnow.com/)