公仔箱論壇 - Powered by Discuz! Board

標題: 長洲東堤經歷 [打印本頁]

作者: timothystron 時間: 2015-8-16 01:10 PM 標題: 長洲東堤經歷

長洲東堤經歷TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。) S: x. I6 H/ ?7 \

呢件事係我親身經歷,其實係人係鬼,到而家我都未清楚,當然,亦無興趣去求證啦
幾年前既夏天暑假,同一班網友去長洲玩3日2夜,中午去到攞左房,我地住係近海灘,門口果邊,老細話人唔算多,除非有特別要求,否則都係安排近門果D屋比客既,當時長洲東堤仲未裝修,D渡假屋仲好舊,牆壁又灰又黃,仲有些少油漆剥落,傢俬亦舊到無得再舊,我地十幾個人,得2間房,每間房都有好幾張床,雖然對個環境好不滿,不過價錢平,都唔要求得咁多,況且我地去玩,都預左夜晚唔訓架啦,最多都係小睡一陣姐.tvboxnow.com4 s% u6 a2 O _/ X6 l/ ?
放低晒行李,個個都急不及待去沙灘玩,無關既唔多講了,夜晚當然唔少得bbq!!天台BBQ,去東堤玩一定有架啦,我地D女仔,當然係留係冷氣房等D男仔起爐,等左15分鐘倒,都差唔多時間拎D食物同飲品上去,D野唔多,我地幾個女仔,行2轉就搞掂晒,個爐仲差少少先OK,我同其他女仔就係天台傾計,同時笑下D男仔,咁多人都要搞咁耐仲未有得食.
正當其他人講緊笑既時候,我好好奇咁四圍望下,睇下隔離天台BBQ既人有無靚仔養下眼,其實我地旁邊都係得2個天台有其他人BBQ,同我地一樣岩岩先開始準備燒野食,我望望下,望左去東堤尾果邊,見到距離我地6-7棟渡假屋既天台,有幾個人同埋火光,應該都係BBQ既,但點解會租到去尾果邊呢?出去玩,住得入無咁方便嘛,我當時又無諗到好深入,跟住我見到好似有人面向我呢邊,不過隔左咁遠我睇唔清楚D人,於是我隨手捉住1個男仔,問佢見唔見到果邊有人望住我地,點知個男仔望都唔望果邊,叫我唔好亂咁周圍望,我覺得係個男仔懶得理我先咁講,於是就無再理會遠處天台既"人",開始BBQ.

BBQ完之後,大家番入房吹水,玩啤牌,我又突然諗起呢年事,於是問其中一個女仔頭先係天台,見唔見到尾房天台有人,點知佢答我無!!

歡迎光臨公仔箱論壇 (http://tvboxnow.com/)