公仔箱論壇 - Powered by Discuz! Board

標題: [時事討論] 派錢拖拉怨聲沸呢個政府實在廢 [打印本頁]

作者: piu01 時間: 2018-11-2 03:04 PM 標題: 派錢拖拉怨聲沸呢個政府實在廢

最近有網民利用手機嘅人工智能系統，話想聽個笑話，結果得到嘅答覆係「香港嘅土地問題就係一個笑話」。其實港產庸官先係天下間最大嘅笑話，事關佢哋唔止搞唔掂土地問題，就連派錢咁簡單嘅事都可以一拖再拖，搞到怨聲載道，你話係咪笑大人個口吖？
0 A6 G7 M `' e4 i, u9 Y9 {
+ w" a H$ t$ z% a) ?9 x& x" p先講交通津貼，舊年施政報告話要資助市民交通費，拖咗一年有多，政府尋日終於有具體安排嘞，明年一月起落實，至於具體計算方法係點、點攞呢筆錢，東網已有詳盡介紹。功夫茶想講嘅係，呢項政策只得二百幾萬人受惠，即係香港人口約三分之一都唔夠，仲要每月補貼上限只得三百蚊咁大把，做糖不甜，做鹽不鹹，聊勝於無咁解，港府若以為小恩小惠、小打小鬧就可以平息民怨，咁就打錯算盤嘞。tvboxnow.com# J- Z2 |, D' x! U E7 Z! p( s

. }0 Y+ W1 l* k! S$ ]但點講都好，交通津貼免入息審查都叫做直接得多，唔會好似財政預算案搞選擇性派錢咁攞嚟衰。今年初話派錢，但明年二月起先接受市民登記，最快四月至有錢攞，完成整個派錢程序唔知要拖到何年何月，分分鐘拖到好似港珠澳大橋咁，冇三十幾年都無法成事吖。更加唔使講呢個選擇性派糖方案隨時搞出亂子，該派唔派、唔該派卻派嘅亂象肯定少不了，基層市民等呢筆錢嚟開飯嘅話，真係蚊都瞓蛇都死。冇計喇，官老爺係都要將簡單事情複雜化，市民又有乜辦法唔被佢哋玩謝喎。
2 {3 T+ c% j& s$ [9 w4 @6 a
其實港府一早肯搞全民派錢咪乜都唔使煩囉，總好過將啲公帑存喺庫房發霉生銹吖嘛，偏偏官老爺守財奴上身選擇性派錢，搞社會分化，事關無論申請資格條界線點樣劃，都唔會有客觀標準，一定順得哥情失嫂意，淨係點解退稅少過四千蚊有得攞，多一蚊都冇運行，就已經有排拗。其實收入高交稅多嘅一群，對社會貢獻都唔少，到頭來反而被政府歧視同遺棄，社會想唔撕裂都難啦。tvboxnow.com; a9 D/ o2 S% q, |

再講吖，選擇性派錢程序複雜，邊個有資格攞，邊個冇資格，都要查家底，涉及一大筆行政費。財爺陳茂波話喎，行政費涉及三億幾，多乎哉不多也，不過照波叔「估錯數」勁過「史上最廢財爺」鬍鬚曾嘅往績睇，行政費最終要用幾多公帑填氹，真係冇人話得埋。
; D' D" P, x5 J3 D1 L' v. y6 O1 o
都係嗰句喇，港官小事做唔好，大事做唔到。全民退保唔搞，最叻阿茂整餅；一個「明日大嶼」願景就將五千億元掟落海，對打工仔就孤孤寒寒些少交通津貼打發，呢種咁廢咁奇葩政府，搵勻全世界都搵唔到第二例呀，吹脹！

歡迎光臨公仔箱論壇 (http://tvboxnow.com/)