公仔箱論壇 - Powered by Discuz! Board

標題: [時事討論] 閒置靚地重門鎖卻嘆建屋好艱難 [打印本頁]

作者: piu01 時間: 2018-12-3 09:30 AM 標題: 閒置靚地重門鎖卻嘆建屋好艱難

都話有土斯有財，有財斯有用，港府當然最明白，否則點會天變地變，唯獨高地價政策五十年不變吖。不過你咪睇高官呻地從何來呻到樹葉落，唔填海就世界末日咁款，查實全港不知有幾多閒置或荒廢靚地養在深閨人未識，暴殄天物。: b% u( C0 b* O) ~3 z

呢嗱，最新一幅閒置靚地位於屯門海珠路，佔地成二萬五千幾呎，背靠輕鐵站，面向友愛邨，交通四通八達，仲要鋪晒地磚，種滿樹木，兼且有埋灌溉系統，放眼望去一片綠，真係好心曠神怡o架，就算唔用嚟興建過渡性房屋，開放畀居民當休憩用地都好吖。

但奇就奇在，呢幅靚地被鐵絲網圍封，重門深鎖，鬼影冇隻，居民唔止不得其門而入，更因為幅地位處輕鐵站同巴士總站之間，搞到居民要兜大圈往返，原本半分鐘嘅路程足足行幾分鐘，阻碇唔在講，直情畀佢玩殘。正如區議員同街坊話齋，呢幅靚地有晒綠化配套，鐵絲網亦設有門，政府寧願圍封都唔開放，係錢多得滯吖，定係地多得滯，好難唔惹人質疑囉。
- s! j3 }5 ]: A# X0 N0 u公仔箱論壇
. E% T7 q& ]6 i- H& D) ctvboxnow.com咁講喇，錢多人傻不嬲係港府一大特色，今次亦唔例外。土木工程拓展署話喎，該幅土地原有嘅瀝青地面引致積水問題，為咗美化及改善環境，於是廣植樹木及灌木，工程耗資近百萬元，下月培植期滿就會交還屯門地政處決定用途。即係話，當局搞咗一大爛餐，整到幅地靚一靚，市民都係得個恨字，得物無所用，仲要阻礙出入，你話有乜意思吖？係咪浪費公帑吖？最難頂係屯門地政處話要徵詢其他部門意見，先至決定是否對外開放，換言之，唔拖個一年半載甚至更久，都唔使旨意得出結果，大家預咗幅地繼續曬太陽養蚊都得嘞。
3 y: D8 W1 T& E0 @2 ]: O4 g# ?9 P" f7 M" q& ?9 f; {% n
都見怪不怪咯，咪睇港產官僚擺出重視土地問題嘅態度，為咗搵地建屋「上窮碧落下黃泉」咁款，查實做戲咁做，淨係房署被踢爆丟空約十一萬平方呎嘅儲物室，情願養老鼠，都唔改建做過渡性房屋，已經知道呢個政府講一套做一套。都仲未計大量空置校舍及政府宿舍，部分丟空超過二十年，漚到發霉淪為鬼屋，政府都唔肯改建，任由公屋輪候冊大排長龍，呢啲咪叫麻木不仁囉。, w! p7 o3 Y7 C1 r

一滴水看世界，一幅閒置靚地亦睇穿港府幾咁捩橫折曲。唔係咩，林鄭政府一方面恐嚇市民，吹到唔填海造島就解決唔到土地問題、房屋問題、貧窮問題同安老問題，另一方面對於全港四千公頃閒置土地被白白浪費隻字不提，你話冇古怪至奇。有人斷言，當港府填海之時，就係香港玩完之日，到時財政儲備一鋪清袋，都咪話唔大鑊！公仔箱論壇- ]- m, V4 C1 D7 s
tvboxnow.com4 M- @2 I R) T5 ?

歡迎光臨公仔箱論壇 (http://tvboxnow.com/)