公仔箱論壇 - Powered by Discuz! Board

標題: [香港] 智慧燈柱被打殘何啟明叫楊偉雄咪就範 [打印本頁]

作者: piu01 時間: 2019-8-30 06:06 AM 標題: 智慧燈柱被打殘何啟明叫楊偉雄咪就範

公仔箱論壇) P W4 g- k2 [. ]

[attach]4631884[/attach]

政府早喺七月開展智慧燈柱試驗計劃，喺觀塘同九龍灣等地嘅五十支智能燈柱已率先投入服務，但勢估唔到用咗兩個月就被「打殘」，而藍牙發射器供應商亦講明淨係支援呢一批智慧燈柱啫，咁係咪意味餘下嗰三百五十支燈柱就壽終正寢呢？身兼觀塘區議員嘅立法會議員何啟明強調唔可以走回頭路，會捉住創新及科技局局長楊偉雄，要求計劃要繼續做落去，唔可以停。
供應商唔出貨創科局冇辦法, U' [8 l O- ]
智慧燈柱嘅智能裝置包括交通管理、氣象感測、空氣質素、定位同網絡等，其中收集嘅數據同拍攝車輛嘅功能，可打擊非法傾倒泥頭嘅車輛。對於部分市民仲係擔心私隱問題，政府都承諾會先諮詢再決定啟用部分功能，然而仲有好多人質疑智能燈柱設有人臉識別功能，政府不停解釋同澄清都冇用。
早前觀塘嘅反修例示威遊行，其中一個訴求就係要求拆除智慧燈柱，途中有示威者用各種方式破壞智能燈柱，總共打爛咗二十支，有啲燈柱仲慘遭「肢解」，其中一支仲誇張到畀人成支鋸咗落嚟，耗資兩億幾嘅智慧燈柱計劃，其中八分一已毀於一旦。

歡迎光臨公仔箱論壇 (http://tvboxnow.com/)