[新聞] 蘇亞雷斯出口術氹死利迷

烏拉圭射手蘇亞雷斯落戶利物浦，憑出色腳法及射術，好快成為紅軍寵兒，「哨牙蘇」食住個勢，最近接受英國報章訪問時透露自己10歲時已經鍾意用利物浦打ＰＳ，嘩！使唔使咁毛管戙呀？

啲明星鍾意講流住邊度嘅血，「哨牙蘇」咁講真係同佢哋冇分別：「全世界都知道利物浦擁有乜嘢歷史，佢哋係歐洲最強球隊之一，擁有好多偉大球員，我10歲時已經喺ＰＳ用利物浦，估唔到依家真係喺度踢波。」

不過，講到偶像就唔關利物浦事喇！蘇亞雷斯話自己最崇拜係巴迪斯圖達，更認為自己喺對方身上學到永不投降嘅精神。