为咩我睇吾到嘅
lhy92725 發表於 2014-8-28 04:52 PM 
先講下小弟同女友背景...
26歲，中五之後就無讀書，做過好多份工都做唔黎。而家番緊份office文職，月入得9000蚊不過總算安定，每個月都會比3000蚊做家用。我有一個拍咗年幾嘅女友。平時同佢行街睇戲食飯都係我比，加埋每個月女友都要慶祝拍拖紀念日，所以都會送下禮物同花比佢，每個月剩得雞碎咁多自己儲。
雖然我同佢拍左年幾拖，但佢已經同我提過好多次分手，我試過係尖沙咀地鐵站跪佢唔好離開我，有次直情走埋上佢公司喊住求佢…每次嘅導火線其實都好少事，多數因為我做唔到佢既要求，例如無錢買手袋，做唔到晚晚接收工，唔記得訂位食飯…總之咩都可以分一餐。我知道無論係我身邊定佢身邊嘅人都成日話我無用，話我慘過奴隸獸，不過只因為我太愛佢，岩岩開始無幾耐已經當正佢係未來老婆聽哂佢話，佢想要咩我都盡量滿足佢就哂佢，只要佢開心我就會開心。但今次我真係唔知點做好…
事源女友黎緊9月中生日，我原本想帶佢去長隆過生日睇馬戲，點知佢上兩個禮拜突然同我講話要今年特別d，想旅行過生日！因為想去台北睇one piece展覽（佢係超級one piece迷），咁我梗係諗都唔諗就答好啦，點知就瀨野啦。
今個月先買左條Pandora比佢，下個月就話想去旅行，仲話去唔到就要同我分手！不過我同自己講要盡做，因為我愛佢！可惜我錢真係無乜，女友又唔肯住民宿要住酒店...原本已經灰到盡頭，點知佢岩岩又whatsapp追問d機票酒店搞成點，我對住個電話呆左成分鐘唔使答，直至佢send錯原本send比朋友嘅msg比我嘅時候，我終於忍唔住入廁所喊…我都想請佢去旅行，鬼叫我無用，鬼叫我無錢呀！
問題 1) 岩岩冷靜完，其實諗真d佢都係想過一個難忘d嘅生日姐，比著我都想有人請我去旅行。可唔可以教下我應該點嚟氹番女友？
問題 2) 其實諗深一層，如果佢真係貪錢嘅，就唔會同我一齊成年幾。我知佢係個種想男朋友錫哂佢嘅女仔，不過今次我真係能力有限，我係咪應該向佢坦白d講我無錢？
問題 3) 點都好，我真係好愛佢，可以話無咗佢唔得。你地覺得我應唔應該問屋企人／朋友借錢？ |
發表於 2014-8-28 04:47 PM
| 
