[討論] 一位朋友的煩惱

fly814

有一位朋友《係男仔》剛剛結咗婚; 本來以為可以同佢老婆過一啲二人世界嘅生活...........
殊不知, 恐佈嘅事情開始發生啦!! 當佢諗住可以同佢老婆渡密月時～ 佢《外母》又話要一齊去～! 新婚本來係一件開心事! 突然之間又會變成咁? 佢果一刻唔敢拒絕佢外母, 怕剛剛結婚就同外母搞得啲關係咁差。跟住佢搵佢老婆做說客!
佢話:「今次我地渡密月, 可唔可以淨係得我地兩個啊? 如果多咗啊媽《外母》好似有啲怪怪地咁喎?」
佢老婆好唔俾面回答佢問題:「有冇搞錯啊! 呢個係我啊媽嚟㗎!!! 你唔係好鐘意熱鬧架咩??!!」
佢死死氣講:「我唔係介意同外母一齊去旅行, 我覺得日後大把機會, 點解要特登揀我地享受二人世界既渡密月啊?」
佢老婆堅持一定要同佢外母一齊去! 到咗最後只有死死氣咁放棄嘞～～
原先計劃好哂嘅行程, 又要從新整過!
呢個惡夢仲未完結, 仲有下文～～
幾經辛苦.......，終於捱過咗一個《又唔浪漫又辛苦嘅三人渡(X)月》點解冇個密字? 因為一啲都唔甜密～
呢位朋友仔本來打算可以般返去同佢啊爸啊媽住........ 點知～～～
佢外母又出現啦～～!!! 佢外母講:「你地新婚需要地方住又需要人照顧, 不如喺我呢度住。」
如是者.....,又怕得唔到外母歡心～又搵佢老婆做說客嘞～
佢講: 「我唔想搬去《女家》住啊, 你嫁咗俾我就應該踉我《姓》, 同我屋企人一齊住㗎啦!! 我又唔係入贅? 我又唔係跟你《姓》」
佢老婆大發雷霆:「你知唔知你講緊乜啊??? 我地結婚時! 婚紗相啲錢係我俾; 酒席大部分啲錢都係我俾哂; 依家同我講男性尊嚴??? 無論如何~!!!  我都要同我啊媽住, 你唔駛指意再玩挑撥離間我同我屋企人啲感情。你慳啲啦~!!!」
佢:「O咀」


唔知有冇人可以幫幫佢呢????