[分享] 朗尼蒙眼入窩利

，描述：內有入球片段～

曼聯歷來的攻擊組合好有默契，但去到心靈相通的有哪一對？答案可能係現在的朗尼同韋碧克，至少朗尼接應對方傳中球蒙眼車身射門掛網，砌低咗由高爾及約基的「黑雙煞」組合。

連同「小豆」查維亞靴南迪斯，影片中共有兩代共5名曼聯前鋒，當年心有靈犀一點通嘅「黑雙煞」熱身時好整以閒，胸有成竹，並由蒙眼的高爾接應約基傳中頂入，不減當年勇，好不威風。
朗尼等蒙眼3人就連搓波都好論盡，失去信心的「小豆」擰晒頭、朗尼更食波餅倒地，被「黑雙煞」恥笑……

與韋碧克心有靈犀

點知去到最後一關，輪到韋碧克傳中比朗尼叩關，朗尼第一次頂到個波唔知去咗邊後，「黑雙煞」就笑到碌地，之後朗尼叫韋碧克傳個中腰波，並勁度十足地車身窩利射入，睇到「黑雙煞」眼都突，
而朗尼在射完呢記No look shoot後更成個跪在地上，好似攞咗世界盃咁。